“Минжзанд” ХХК нь 2002 онд гадаад дотоод худалдаа болон барилгын материалын худалдаа, үйлчилгээний чиглэлээр байгуулагдсан. 2003 онд барилгын салбарт түлхүү орж халаалтын хамгийн сүүлийн үеийн дэвшилтэт технологийн бүтээгдэхүүн болох “INFRAHEAT” брендийн шалны цахилгаан халаалтыг Монгол орны эрс тэс уур амьсгалд тохируулан үйлдвэрлүүлж хэрэглэгчдэд нийлүүлж байна.
2007 онд БНСУ-д "Сенчүри Оф Кореа" корпорацийг Монголын 100%-ийн хөрөнгө оруулалттайгаар байгуулан халаалтын бүтээгдэхүүний үйлдвэрлэл, угсралт үйлчилгээ, тээвэр зуучлалын үйл ажиллагааны чиглэлээр ажиллаж байна. “Сенчүри Оф Кореа” корпораци нь халаалтын бүтээгдэхүүн үйлдвэрлэлээрээ БНСУ-ын дотоодын зах зээлийг хангахаас гадна дэлхийн улс орнууд, түүний дотор Орос, Хятад, Чили, Канад, Япон болон Монгол зэрэг улс орнуудыг хангаж ажиллаж байна.